Uppskriftaveitan geimSKONSUR

Kjúklingavefja

2008-05-03T03:24:00.002Z

Chili Tortilla
Kjúklingur í bitum
Rifinn ostur yfir
Örlítill chilipipar og svartur pipar

Sett í örbylgjuofn í 30 sek

1 avókadó saxað yfir og 1-2 tsk. af salsasósu og vafið upp.

Kjúklingabringur með pestó

2007-09-03T14:08:00.001Z

3-4 kjúklingabringur
3 hvítlauksrif
Ein krukka basilpestó
2 tómatadósir (af tómötum í bitum)
Feta

Kjúklingabringur kryddaðar með pipar, salti og fínsöxuðum hvítlauk og settar í eldfast mót. Pestói skellt yfir. Tómatjukki skellt yfir. Feta skellt yfir. Öllu skellt inn í ofn við 200 gráður í 40 mín eða þar til kjúklingur er eldaður í gegn.

Borðist með salati og hrísgrjónum.

Gautaborgar-mackor

2006-01-31T00:27:00.000Z

macka [²m'ak:a] mackan mackor noun
smörgås (informal)

English translation
sandwich

Compounds
ostmacka---cheese sandwich

Morgunmacka Sanders

Gróft brauð
Avokadohræra (avókadó stappað og sítrónusafa, salti og pipar og hreinni jógúrt (má líka nota ólívuolíu) bætt við)
Væn mozzarellasneið
Tómatar
Jurtasalt

Sunnudagsmacka

Brauð
Geitaostur (hitað í ofni þar til ostur er bráðinn)
Hunang
Rucola
Tómatur
Pipar

Göteborgs Metro-soppa

2005-12-05T19:57:00.000Z

A.k.a. ingefärskryddad kycklingsoppa

Þessi uppskrift er í boði Gautaborgarbúans Sigrúnar, sem ég hef ákveðið að kalla Signe hér eftir í anda þemans, sem eldaði þessa dýrindissúpu eftir uppskrift Metroblaðsins í sporvagni 7.

2 kycklingsfiléer (bringur börnin góð...)
4 salladslökar (Signe notaði charlottulauk)
1 msk olja
2 msk grön currypasta
6 dl hönsebuljong
2 dl lättkokosmjölk (uppskrift í boði ViktVäktarna självklart lätt)
80 g nudlar
100 g pak choi, mangold spenat (whatever that is - Signe notaði venjulegt frosið)
2 msk riven ingefära (engifer, var það ekki alveg ljóst?)

Värsågoda allihopa!

Gautaborgarútibú Uppskriftaveitunnar opnað

2005-11-08T11:08:00.000Z

Nú hefur Uppskriftaveita Reykjavíkur og nágrennis opnað útibú í Gautaborg og bjóðum við Söndru velkomna í hópinn. Sandra ætlar að taka þátt í að deila uppskriftum sem henni þykja góðar en framvegis verður ríkari áhersla lögð á góð ráð og staðreyndar uppskriftir sem okkur sælkerunum þykja góðar.

Ísskápstiltektarkarríbull

2005-10-31T08:34:00.000Z

4 hvítlauksrif fínsöxuð
fersk engiferrót - góður slatti - fínsaxaður
1 blaðlaukur - saxaður
2 þurrkaðir rauðir chilipiprar - muldir
250 g sveppir niðursneiddir (ein askja)
2 litlar sætar kartöflur - í bitum
250 g rauðar linsubaunir
300 g gulrætur - sneiddar
1 dós kjúklingabaunir
2 dósir kókosmjólk
Rajah Hot Madras karrí
Korma karrí
Kjúklingateningur

Byrjið á að henda öllu sem er ónýtt í ískápnum. Síðan er hvítlaukur, engifer, blaðlaukur og chili látið svissast aðeins í olíu. Sveppum skellt út í og piprað. Svo restinni skellt saman við, kryddað hressilega með karríi 1 af Madras á móti 2 af Korma og látið malla eins lengi og þolinmæðin leyfir (en þó a.m.k. í 20 mín).

Borðað með brúnum hrísgrjónum og ef vill mango chutney og indverskum pickles.

Spaceburger

2005-04-10T04:40:00.000Z

geimKERSFRÆ

2005-01-19T21:40:00.000Z

Fráááábært snakk sem ég var að prófa að smíða:

Graskersfræ
Chayennepipar
Sjávarsalt

Fræin ristuð á þurri pönnu með pipri og smá salti - fræin byrja að poppa með frábærum hljóðum, frábært snakk. Miklu betra en popp.

geimOMMILETTA

2005-01-06T22:03:00.000Z

Afgangaeggjakaka, sem var svo mikið grís að ég var tilbúin að henda henni bara, en var bara nokkuð góð:

5 sveppir
smábiti af Dímon
2 sneiðar Maribou
svartar ólífur
3 egg
Truffluolía
Herbes de Province
Lauk- steinselju og vorlaukskryddblanda
3 tsk. tómatpestó
Hamborgarakrydd
Pipar

Sveppir steiktir upp úr truffluolíu og pipraðir. Settir til hliðar á pönnunni og eggjahræru með kryddunum hellt yfir, sveppasneiðar færðar inn á eggjahræruna, ólífur settar yfir og ostur í sneiðum. Gerð eru göt (elduð eggjahræra færð til) og hrárri eggjahræru hleypt á pönnuna, þegar ekki er lengur hrá eggjahræra ofan á er helmingur eggjakökunnar lagður yfir hinn og látið malla í 2-3 mín. á hvorri hlið (þannig fær maður köku í stað klessuverks eða scrambled eggja - svona fyrir þá sem ekki þekkja eggjakökugerð). Borðist með ferskum tómötum.

Piparostapasta Ásthildar

2004-12-12T20:56:00.000Z

1 askja ferskir sveppir
5 væn hvítlauksrif
salt, pipar, smjör til steikingar
1 kringlóttur piparostur
1 kaffirjómaferna
Tagliatelle

Sveppir sneiddir og smjörsteiktir með hvítlauknum. Kaffirjóma hellt yfir og piparostur í bitum settur út á pönnuna. Látið bráðna saman og þykkna.
Hellt yfir tagliatelle pasta og borðað með hvítlauksbrauði.

Þessi réttur er jafngóður og hann er óhollur, borðist með fullkomnu kæruleysi fyrir manneldissjónarmiðum.

geimBRÆÐINGUR

2004-10-14T23:22:00.000Z

Uppbulluð útgáfa mín af einhverju sem á að vera ekta amerískt tuna-melt (sem ég hef aldrei smakkað bara séð í bíó, þetta er alvöru improv. hérna):

Brauðsneiðar
Túnfiskur í vatni
Ostur
Basilolía
Svartur pipar
Salvía
Slettur af laukídýfu.

Brauðsneið > Ostsneið > Túnfiskur > Basilolíu dreypt yfir > Svartur pipar og salvía > Smáskvettur af Voga-Laukídýfu > Ostsneið > Brauðsneið.

Loka. Grilla. Borða. Namm.

fiskiSÚPA

2004-09-15T01:28:00.000Z

Laukur
Púrrulaukur
Sveppir ef vill (ég hef oftar sleppt þeim)
Paprikur
1 þurrkaður rauður chilipipar mulinn

Ofangreint mýkt upp úr extra virgin ólífuolíu og kryddað og rest bætt út í og látið sjóða

2 lítrar vatn (má alveg vera meira)
Brokkolí
Sellerí
Gulrætur
Kartöflur (ef nýjar - með hýðinu)
Fiskikraftur og grænmetiskraftur
Slurkur af hvítvíni
1 rjómaostur með kryddblöndu
Fiskur að eigin vali.

Krydda með pipar og því græna kryddi sem manni dettur í hug. Ég nota stundum Eftirlæti Hafmeyjunnar frá Pottagöldrum og Philip's sjávarréttakryddblöndu, og alls kyns önnur krydd.

Fjarlægja lárviðarlaufin, bæta rjómaostinum og fisknum út í undir lokin s.s. lax og lúðu, steinbít eða/og rauðsprettu. Ég læt fiskinn sjóða í súpunni, tek upp úr og hreinsa, ef ég er ekki með beinlaus stykki og skelli út í súpuna.

grænmetisSÚPA

2004-09-14T20:23:00.000Z

Laukur
Púrrulaukur
Sveppir
Paprikur
1 rauður chilipipar fræhreinsaður í 3 - 4 bútum

Ofangreint mýkt upp úr ólífuolíu og kryddað og rest bætt út í og látið sjóða

2 lítrar vatn
2 lárviðarlauf
Brokkolí
Sellerí
Gulrætur
Kartöflur
Grænmetiskraftur
1 rjómaosti með kryddblöndu bætt í undir lokin

Krydda með pipar og því græna kryddi sem manni dettur í hug, lárviðarlauf og chilipiparbitarnir veiddir upp úr áður en borið er fram.

Fljótlegur fiskréttur.

2004-09-14T19:10:00.000Z

Hráefni:

Kea Skyr 500 gr.
Findus Wok + Coconut & Lime (600 gr.)

Tikka Masala - Lemon & Coriander cooking sauce frá Patak's Original 400 ml.

Tvo fiskflök (ýsa eða steinbítur) roðlaus og beinlaus.

Aðferð:

Ofn hitaður í 200-240 C°

Grænmetið sett í eldfast mót
skyrið sett yfir
fiskurinn lagður ofan á
sósunni hellt yfir.

Sett í ofninn þar til þetta er tilbúið. 20-40 mín.

Tilbrigði við geimKARRÍið

2004-09-02T08:18:00.000Z

Ferskur engifer ca 7 cm
Hvítlaukur, 6 stór rif
Ferskur stór rauður chilipipar, fræhreinsaður
Kjúklingabaunadós
2 kartöflur í teningum
Kúrbítur
2 gulrætur í ræmum
Sveppir
Rauð paprika
1 kúfuð msk. Kormakrydd frá Sharwood's
1 kúfaðar msk. Hot Madras frá Rajah
Kókosmjólk

"One motherfucker" coming up...

2004-08-10T17:36:00.000Z

Hráefni:

Kaffi að eigin vali. Meðal malað og brennt (frekar van en of).
Íslenskt vatn.

Hlutföll:
Ein mjög kúfuð matskeið af kaffi
sett í pressukönnu
Einn bolli af fersku vatni hitaður
og bætt út í kaffið.

Hinkrið í ca. 2 mín.

Harðbannað er að menga drykkinn með mjólk eða sykri.

Drykkur þessi bætir hressir og kætir og er bráð hollt

Svo má lesa þetta hér sér til fróðleiks

Grænt karrí með basil

2004-08-09T21:22:00.000Z

3 hvítlauksrif
3 cm engiferrót
1 stór rauður chilipipar
1/2 tofu
1/2 kúrbítur
1/3 bakki sykurbaunir
1 dós bambussprotar
2 matskeiðar grænt karrímauk
1 dós kókosmjólk
8 kaffir-limelauf
1 bolli ferskt taílenskt sætt basil

Tofu steikt með fínsöxuðum hvítlauk, engifer og chili í 2 mín. restinni af grænmetinu bætt út í og karrímaukinu og steikt í nokkrar mín. Kókosmjólk og kaffirlaufum bætt út í og látið malla í 15. Basil bætt út í rétt áður en borið er fram með jasmin hrísgrjónum.

Kotasælusalat

2004-08-06T11:22:00.000Z

1 rauð paprika, söxuð
1 grænt epli, í litlum bitum
1 rauðlaukur, fínt saxaður
1 stór kotasæludós

Öllu blandað saman kryddað með svörtum pipar. Borið fram með papriku TUC kexi.

geimKARRÍ upp úr Skonrokks-karríi

2004-08-06T08:18:00.000Z

Ferskur engifer ca 7 cm
Hvítlaukur, 6 rif
Ferskur rauður chilipipar, fræhreinsaður
Tofu (firm) í bitum
Laukur
Kúrbítur
Sveppir
Rauð paprika
Hvítur pipar
1 kjúklingateningur
Kormakrydd frá Sharwood's
Hot Madras frá Rajah
Kókosmjólk

Ferska kryddið hakkað í matvinnsluvél. Olía hituð á wok og tofu steikt með kryddinu. Restinni af grænmetinu bætt sneiddu út í. Góðum slatta af Korma karríi bætt út í, smávegis af Madras, saltað og piprað. Kókosmjólk hellt yfir og látið sjóða niður.

Meðlæti: Hrísgrjón og mango chutney.